"المقادير "
1/2 كيلو لحم بقري مقطع مكعبات صغيرة
3 ملاعق زبدة
(ممكن زيت للي مش بيحب الزبدة وزيت زيتون للرجيم اذ كنتى تتبعى حميه)
200 جرام مشروم مقطع شرائح
(اقل من الربع كيلو بشوي)
الفريش ممتاز
و ممكن معلب من السوبر ماركت
2 (بصلة كبيرة)
1 كوب ماء
1/2 كوب فريش كريمه اللبن ( جهينة مثلا)
1/2 كوب دقيق
ملح و فلفل
بهارات لحم ملعقة صغيرة
"للمكرونة"
كيس مكرونة
(الشكل حسب الرغبة)
ملعقتين زبدة
جزرة صغيرة مبشورة
ورق كسبرة خضرا مقطع صغير .
.
"الطريقة"
.
نرش الدقيق علي اللحمة و نقلبه فيه كويس بحيث تكون اللحمة كلها متغطية دقيق
بعدين نجيب طاسة كبيرة و نحط فيها ملعقتين الزيت او الزبدة و لما تسخن
تحمر فيها اللحمة و نقلٍب حتي تصل للون البني
نشيلها من الطاسة و نحطها في طبق علي جنب
في نفس الطاسة اللي عملنا فيها اللحم نضع البصل مكعبات صغيرة و ملح و فلفل
ونقلب لحد ما يدبل شوي ويصير لونة دهبى
و بعد كده نضع الماشروم و نقلب كويس
و بعدين نضع اللحم اللي كنا ركنينه و نقلٍب كويس مع بعض
و نضيف شوية ماية يادوب نغطي اللحم
و لما تغلي الماية هدى النار وغطي و سيبيها شوي
لما تبدأ الماية تنشف نشوف اللحم استوي و لا لسة عايز كمان
(طبعا لو اللحم بتلو مش هياخد وقت خالص علي النار ,انما لو كانت كندوز ممكن تحتاج نضيف مايه كمان)
(و نكرر اضافة المايه لحد ما اللحم يستوي)
و لما نتأكد ان اللحم استوي نضيف الكريمة ونسيبها تغلي مع اللحم
*ملحوظة*
لو الصوص بتاع اللحم قليل ممكن نضيف شوي مايه ونسيبها تغلي علشان تتجانس مع باقي الصوص
المكرونة ؛
نسلق المكرونة
و في طاسة صغيرة نضع ملعقتين زبده
و نشوح فيهم شوية جزر مبشور
نطفي النار
ونضع ورق كسبرة خضرا مقطع صغير خالص
ونقلب كويس اوي
و بعدين نضع المكرونة علي الخلطة و نقلب
و نقدم اللحم علي المكرونة زي الصورة .
**منقوول**
0 التعليقات:
إرسال تعليق
تذكر قوله تعالى: ( مَا يَلْفِظُ مِنْ قَوْلٍ إلا لَدَيْهِ رَقِيبٌ عَتِيد )